مساحة إعلانية

قصيدة ( لجل الوطن ) للشاعر مشهور بشير الرويلي


قصيدة ( لجل الوطن ) للشاعر مشهور بشير الرويلي



فريح مدشر : في يوم الوطن  اهدانا شاعرنا العذب مشهور بشير الرويلي قصيده للوطن . اللهم ادم علينا نعمة الامن والامان في خير الاوطان . وكل عام ووطني بخير.

لجل الوطن يعجز كلامي والاعجاب
وللملكه حنا فداوي ترابه

والله يحفظ الدار من كل الاذناب
وسلماننا الله يديمه عصابه

هذا ترى سلمان فكاك الانشاب
في ساحة الميدان كلٍ يهابه

يوم اليمن ترتاب ماسكر الباب
على لهيب الحرب نوَّخ ركابه

يومن دون الحق طالب وطلاب
قال ابشروا باللي يرد الطلابه

واستل سيفن بالمواجيب ماخاب
واعلن على العدوان وقت الحرابه

بالجو طياره ،، وبالقاع دباب
وكلن من الشجعان ولم زهابه

ودكو حصون الفرس رضاعة الداب
واشين حال المعتدي واعذابه

الفيصلي سلمان جاكم ولا هاب
ماهيب لحية طبطبه يالقرابه

هذا اخو نوره ويحسب له حساب
والتايه اللي غلطته من حسابه


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

*