مساحة إعلانية

قصيدة ( النصيحة ) للشاعر عشيان سليمان الرويلي


قصيدة ( النصيحة ) للشاعر عشيان سليمان الرويلي



فريح مدشر : الشاعر الكبير عشيان سليمان الرويلي يهدينا هذه النصائح القيمه في قصيدة واحدة تختصر الكثير من الكلام . فله منا كل الشكر والتقدير .

 

خوذو نصيحه يالقلوب اللبيبه

نصيحة ٍ للفاهمين محبوبه

لو أن بعض الناس لاشاف عيبه

تكفيه عن سب الأوادم عيوبه

وش له بعرض الغافلين يحكيبه

هو ليه مايحسب عظايم ذنوبه

حصيلته بالهرج نمه وغيبه

وهو يدري أن كل الخطايا محسوبه

هرج ٍ بلا فايده وش تبي به

الناس !! لاسمعوا كلام ٍ حكوو به

ياعاد تفرح للعرب بالمصيبه

لا بد من يومن تجيلك عقوبه

يا غافل بدنياك ترهاا مريبه

تصدق معك يوم ٍ ويوم ٍ كذوبه

مره بعيده منك ومره قريبه

ومرات في موج ٍ تصافق هبوبه

مايحصل له ملجأ ً يلتجي به

ليا حلو ديانته واقتضو به

يترك أهله والحلال .. وقريبه

ولا يحصل الا خامة ٍ قدر ثوبه

وين الثريا غربت والجنيبه

وين السلف أهل الفخر والعروبه

والناس طينه والطبايع غريبه

لو هي جميع ٍ مايتوحد قلوبه

كل ٍ يحصل ما أكتب له نصيبه

والله غفور وقابل ٍ كل توبه


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

*