فريح مدشر : قصيدة الشاعر محمد دايج السالمي بمناسبة زيارة الامير فهد بن نواف الشعلان بعيد الفطر المبارك لمعايدة شيوخ واعيان قبيلة الروله والجلاس .
الشّـعر يطربنـي وبالـراس مـوال
سلّيت سيفه فوق صهوة جـوادي
ماني بمن يمدح على طمعة ريال
ولانـي بمـن يقصـد بليّـا مبـادي
امدح شـيوخٍ فيهم المدح ينقال
يشـهد لهم بالفعل حاضـر وبادي
شـعلان والشـعلان مـزبن ومدهال
دخيلهم عقب السـّهر نـام هــادي
رقو سـنام المجـد مبطي ولا زال
صـغيرهم عنـد المهمّـه قيـادي
على النّـقا صـارو لنا فـي وظلال
أهل الكرم والجود بيض الأيـادي
نـواف ابن فـواز والحـق ينقـال
نعمن بابن شعلان سـقم الأعادي
وفهد حفيد ملوك بالعز يختال
فهد فهد طير السعد والهدادي
كرّم رجال العلم وايتام واشبال
واللي تبرع ماعرض بالمزادي
هذي سلوم اجدودنا عبر الاجيال
ماهـي غريبـه ننتخي للمنادي
قلنا ويثبت قولنا ماض الافعال
يشهدلنا بذي قار ركن الحمادي
حنّـا ثمان جموع والجمع فعّـال
حـلالـنا يرعـى قفـر كل وادي
عليـا رويلي وان غشـى عجها ازوال
ياكثر ما تقعـد صـغـىٰ كل غادي
واشـاجعه دايـم على قلب رجال
جدعا على الفزعات قدحة زنادي
ياحانت الهيّـه على كل مشـوال
ملكادهم يجلا صدى قلب صـادي
وعبادله على الخطر جوك زرفال
اليا نتخـوا بالكون عليا نجـادي
وربعي هل البلها صناديد وابطال
تنطح جموعٍ كثر قيق الجرادي
عاداتنـا تعـديلة الحمل يامـال
من فوق شقر من خيار الجـيادي
عدونا عقب الطمع شاف الأهوال
دونه لهيب النّار ماهـو بـرادي
هذي افعول جدودنا مابها جدال
ومن ينكر الماضي جحـودٍ وكـادي
واليوم ننعم بالرخـا وراحة البـال
الأمن سـاد واصـبح الوضـع عـادي
وسـلام يا ميـرٍ بك المـدح ينـقال
يعـود عيـدك وانت رمـز وسـيادي
