فريح مدشر : الشاعرة المبدعة حنين الرويلي بقصيدة رائعة (ايه انتهينا ) فقالت:
لو في عروقك دم ما قلتها لي
الكلمة اللي هدمت سور حبك
أبعد عن عيوني ولو كنت غالي
للموت قلبي لو نوى يوم قربك
يا قلبي الطيب وش اللي جرالي
عقب المحبة شف حبيبك غدر بك
يوم الوفا فالك وأنا كان فالي
يوم الهوى ضدك وأنا كنت جنبك
يكفي نطرتك لين ضاق احتمالي
ضيعت عمري بين سلمك وحربك
يا ذابح” قلبي وش اللي بقالي
ذنبي عشقتك والغدر كان ذنبك
دور “حبيبي لك حبيب” بدالي
حتى تشوف الفرق شرقك وغربك
دنياك ما تصفى على كل حالي
واللي عثر بي أدري إنه عثر بك
تشرب مرارة بعد ماذقت حالي
ما عاد يهنا لك طعامك وشربك
كرامتي تبقى رصيدي ومالي
إيه انتهينا ما أبي يوم قربك
