مساحة إعلانية

قصيدة 《لو قلت للخايف》للشاعر عواد شعيب الرويلي


قصيدة 《لو قلت للخايف》للشاعر عواد شعيب الرويلي



فريح مدشر : قصيدة الشاعر عواد شعيب لو قلت للخايف تراها سلامات قصيدة متميزة كتميز شاعرها.

لو قلت للخايف تراها سهالات.
ما يقبل التطمين قلب الرعاعه
لكن ابخذلي مع الدرب سجات
واصده لو بس مقدار ساعه
لعل يجري بالقدر لي مسرات
منوة فطيم حازمينه رضاعه
الا شاف زول امه يطوؤل بالاصوات
وعينه على الصدر الحنون ومتاعه
يبكي ويشهق بين غبن وتنهات.
ومحاجره غرقانة بالوداعه
مثلي وانا مثله حلايا وصيفات
وجع ظمير ماعليه استطاعه
اغضيت مره .. عقبها عشر مرات
تبقى القطاعه ساس .. ماهي اشاعه
ملعونتن من فوق سبع السموات
اهبي هبيتي واعقبي يالقطاعه
تبور بك هقوات وتطيح هقوات
والناس معدن والتجمل وقاعه
اكبر خساره تجلطك بعض مرات.
اليا خسرت الناس قبل البضاعه
أنا معك وقت الرخا والملذات
وقت الفضا كلن شمر عن ذراعه
يوم الرخا والجيب عامر جنيهات
زحمه على اللحمه وجمعا جماعه
ومن شافو ان الوضع مقفي على اسكات
كلن مسح ساقه وما خف باعه
عندي لكم سوالفن تحمل اثبات
عند احتدام المشكله لي مناعه
والله يعين المبتلي بالملمات.
اقولها من راس يملك قناعه
مهما تباعدنا دروب ومسافات
نبقى على الخوه وحفظ الوداعه
وتعود مع تيسير ربي. سلامات
واخوان.. في وقت تقانب إسباعه

 


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *