فريح مدشر : شمة الثوب. قصيده للشاعر سلطان خلف الرويلي في رثاء والدته رحمها الله واموات المسلمين. وبدورنا نشكر اخونا سلطان علئ هذه القصيده. الحصريه
ملاحظة : يوجد رابط للقصيدة اسفل الصفحة
شمة الثوب
يا مشتكي من ضيم الأيام مهموم
قرب عليك الله شف كبر همي
أمي خذاها الموت والموت مقسوم
والجرح من فقد الحنونه مدمي
والحزن في صدري براكينه تزوم
والضيق يسري في شرايين دمي
والعين ما عادت لها شف بالنوم
والدمع سيله بلل أطراف كمي
راحت وخلتني وأنا مابي عزوم
أقنب قنيب الذيب من زود غمي
أقفوا بها عني وأنا أطيح وأقوم
ما أخبر سواها كل ما أقع تسمي
أجي لها لا صرت ضايق ومضيوم
تعرف معاناتي قبل نطق فمي
وتقضي لي اللازم ليا صرت ملزوم
وتفرج علي كربات وقت(ن) ملمي
في وجهها للطيب والرحمه وسوم
وأفعالها بالخير عنها تنمي
واليوم ما باقي سوى فراش وهدوم
لا ضاق صدري جيت للثوب أشمي
يالله ياللي ما سوى وجهك يدوم
يا فارج(ن) ضيقات صدر إستهمي
يا مرسل(ن) رسلك بالإعجاز للقوم
وأرسلت خاتمهم من الناس أُمي
ياللي خلقت الخلق من شي معدوم
ترحم جسد طاهر له القبر ضمي
وتسوق له يالله من الرحمه غيوم
وتسقي ثراه بماطر(ن) مدلهمي
آمنت باللي فارض الحج والصوم
اللي على المخلوق حكمه يتمي
إن القدر والموت ما منه معصوم
مبطي خذا بنتي وجدي وعمي
والله لولا إنه مقدر ومحتوم
وإنه على كل الخلايق يعمي
وإنه يساوي بين حاكم ومحكوم
كان إعترضت وقلت لا تاخذ أمي
🔴 جديد 🔴
✨ حصري ✨
