اللجنه النسائيه:الشاعره جميله بطاح الرويلي في قصيده رائعه بعد العفو عن طارق خلف النصيري من قبل الشهم والكريم نايف مياح الرويلي . اللهم اجعل عمله خالصا لوجهك الكريم  ووفق كل من سعى في هذا الصلح من امُراء وشيوخ القبيله

اللي ترك لله ذيك الملايين

يلقى ثواب العفو يوم القيامه

وقفة بطل من واحد(ن) بين قوسين

يستاهل انه تنرفع فيه هامه

الغيض زال وحن جين(ن) على جين

ومبروك ياطارق عليك السلامه

الله يبارك جهد ناس(ن) مجدين

اللي سعوا حتى زوال الغمامه

حنا بمن يسعى بخير(ن) فخورين

ويستاهلون شيوخنا للزعامه