مساحة إعلانية

شعر: ترنا ليا حان اللزوم ارتكينا للشاعر: سعود فرحان العزلي


شعر: ترنا ليا حان اللزوم ارتكينا للشاعر: سعود فرحان العزلي



بندر الزومان: 

(بعض الشعر لا يحتاج مقدمات)

 
عينيك ياعذب القصيد
⁃ اللي يبي من يفهمه

 

ياناض للمعنى يصيد
⁃ ماطاح ب القاع اسهمه

 

يزيد من عذب الرصيد
⁃ ماجاه غيره وادهمه

 

 

بان الخليط وضاح للشوف عرجون ..
.. وان ماحق هلال الشهر ماغدينا

 

قم يااولد من قبل ينباح مكنون ..
.. قم قبل بعض الناس تشره علينا

 

قل للردي عن هدة الصدر ممنون ..
..من كثرمانطبخ وعود استوينا

 

قل له ترفق هدّ بالك وبالهون ..
.. و ترنا لياحان اللزوم ارتكينا

 

نعطي ولانمنع عن الناس ماعون ..
.. ولغير رحمة ربنامارجينا

 

بان الصحيح ولا بها شك وظنون ..
.. نقدر نعلم بك ولكن كمينا

 

وإي والله ان اللي بشرواك مبخون ..
.. واي والله ان اللي هقينا لقينا

 

اذا رفعنا ها كسرنا بها عيون ..
.. واذا دفناها بشارب حدينا

 

صابت على الاكحل مثل مايقولون ..
.. وصلت وواضح قصدها وانتهينا

 

 
سعود ف العزلي


1 التعليقات

    1. 1
      ممدوح المعارك

      اذا رفعناها كسرنا بها عيون
      واذا دفناها بشارب حدينا

      صح لسان شاعرنا القدير سعود فرحان العزلي
      وسلمت يابوترف على النقل

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

*