فريح مدشر :قصيده اهداء لرويع عبيد الرويلي ابو مفلح مهداه من احمد سلامه الرويلي .
الا يالله لاتحرم عبادك من جمال الحور
نقول الحمد بالسراء ونقول بقطع الانفاسي
نبي رحمه نبي غفران نبي نور بلا ديجور
نبي نفرح نبي ننسى مرار العالم القاسي
بديت القاف اذكر به كريم وللكريم حظور
ابو مفلح عسى مدحي شهد به كل جلاسي
لقيت العز والنوماس لقيت لطيبكم دستور
على منهج هل الطولات جيتك رافعٍ راسي
على صدق المحبه جيت ماني خلي شعور
الا ليت الردي يفهم ترا النوماس نوماسي
على درب المراجل خابرك بأول الطابور
فداك عداك لويضحك بضحكه خبث الانفاسي
صحيح الطيب كايد لو لبس ديباج وسط قصور
يدور زلتك منهو تعلم طبع البلاسي
وانا ادري في محبتكم يموت الحاسد المقهور
بيوت العز ماطاحت عليها محكم الساسي
الا ياعين مالومك على وقتٍ كساه الجور
على دنيا تعز اللي بوقت الطيب فلاسي
عسى منزلٍ جيته سقاه الخير والممطور
من مزونٍ ترادم به تبشر كل عساسي
سقى وبله شراة الخور عنقا والقصب وجفور
محولٍ ينجلي عنها عجاجٍ خالط اطعاسي
على اهل الطيب مانذخر قوافينا تعد قصور
على ربعي اسوق العذر ماني للوفاء ناسي
تعلمنا المبادي وانا في مدحكم مجبور
يلوم اللي يلوم اقول ورافعٍ راسي