فريح مدشر : قصيدة الشاعر محمد عواد الاشجعي بمناسبة قدوم الامير فهد بن نواف الشعلان لمعايدة شيوخ واعيان قبيلة الروله والجلاس بعيد الفطر المبارك .
يالله يالمعبود ياخالـــــــق الناس
يالله ماغيـــــرك علـــــيه اتكالي
بك ابتدي بأسمك واجر الانفاس
بديت بسمك ياعظيـــــم الجلالي
حضرت اشارك محفل رويل وجلاس
اليوم يومـــنه حصلـــي مجالي
الاوله اخصـــها لطيب اسـٰٰــٰـــاس
للي غلاته وسط صدر الشمـــالي
ماله ابد بين المخاليق مقــــــٰـٰياس
نواف ابن فواز وافي الخصــــالي
والثانيه هيبه معــــزهِ ونوماس
فهد ولد نواف روس الرجـــــــالي
في حزت الشدة والارياق يبــــاس
يشيل حمل ٍ ماتشيله اجبـــــــالي
اشبهه طيراً كفخ حـــٰـــر قرنـــاس
حراً مضٰـــــرى مايصيد الهــــزالي
كفه اليامنه ضرب يشلع الراس
حرا وحـــــش لاهد ينزل انزاالي
في محفلٍ عيــــــده لنا در ولماس
وجيه الرجال اللي تشيل الثقالي
هذا ولد عم ٍ على الطيب نبراس
وهذا ولد خال ٍ طويـــل السبالي
فزعاتكم تجلي غثا كل هوجاس
تارد على العد النظيف الزلاالي
بكم افتخر وضاهي الخلق والناس
ولعيونكم اشوش وارفع اعقالي
يارويل انتم منبع الطيب واساس
يارويل انتم اعيـــال عم وخوالي
ان قلت عليا كلكم رماح وقــــواس
ياحي روس ماتهاب وتبًــــــالي
حنا لكم يارويل ماهب نسناس
وانتم لنــــــا من دور اول وتالي
بيارق الشـــــعلان لا دق الجراس
بيـارق المعجـــل معاهــــــم تلالي
الفعل واحد والشهامه والاحساس
العز واحــد محتمــــين التوالــي
واليوم هذا عيد فرحه ونومــاس
بحضوركم تم الفرح بكتمالــــي
