فريح مدشر : قصيدة للشاعر عطالله غضبان بمناسبة قدوم الامير فهد بن نواف الشعلان لمعايدة شيوخ واعيان قبيلة الروله والجلاس بعيد الفطر المبارك.
سميت باسم الواحد الرحماني
الواحد المعبود ماله ثاني
والف الصلاه الكامله واسلّم
على النبي المصطفى العدناني
يالله يارب الملا ترحمنا
واقبل عملنا ياعظيم الشاني
اليوم اشارك ربعي بحفلتهم
ولي الفخر يوم ابدع القيفاني
كل عام وانتم بالهنا ياجموعي
والله يديم العيد كل ازماني
كتبت أنا أبياتي لكم واذكرها
يالله عساها ماتجي بنقصاني
مشاعرن بالصدر ابا اطلعها
وادري قليله بحقكم يا اخواني
لكن عسى المولى لنا يجمّلها
والله يوفقني على الأوزاني
ياعزوتي يامسندي ياعزي
افعالكم تذكر بكل لساني
افعالكم عند الملا معروفه
مثل العلم فوق النوايف باني
لو جيت ابذكرها يطول الماقف
ماتنحصر في دفتر وديواني
فيكم كرم للي لفا ينصاكم
مافيكم اللي سكر البيباني
وان جوكم العدوان وقت الهيه
كلن وقف في ساحة الميداني
بين القبايل راية،ن مشهوده
مع الحظر وايضاً مع البدواني
الحمد لله وافتخر في ربعي
اللي خذو للمرجله عنواني
وابذكر اللي ذكره يشرفنا
في كل حزه محزم،ن ملياني
أميرنا نواف راع النخوه
نواف ابن فواز ياكحيلاني
الله يعزك ياعريب المجنى
اللي يهمك كل عمل انساني
تسعى لفعل الخير وتوصي به
لانك من أهل الخير والإحساني
ايدك سخيه بالعطا تبسطها
تعطي بها المسكين والجيعاني
وان كبرت القالات تشهر سيفك
تقدم كما السيل العرم علياني
ماياقف بوجهك ياكود الجاهل
فارس ولك سطوه كما السلطاني
واليوم في حضرة زبون الجزله
فهد ولد نواف زبن الجاني
الله عطاني شوفتك هالليله
وانا احمد المولى يوم ان اعطاني
العيد له كم يوم جا واسعدنا
واليوم في شوفتك عيد،ن ثاني
يامرحبا بك يالامير وأهلا
واهلاً شيوخ الحفل والأعياني
ابجمع الباقات باقه باقه
من أجمل الأزهار بالبستاني
وابعطي الجمهور كلن باسمه
أهل المحل واللي لفانا عاني
واختار منها ماتميز فيها
واقدم اغلاها لابن شعلاني
يامرحبا بك يازبون الصعبه
باعداد ماهلت به الأمزاني
العيد يقبل وانت خيرك يقبل
انت بيمينك يرجح الميزاني
حيثك أصيل ومنسبك من وايل
اهل الهمم والجود والشجعاني
اللي لهم قدر ومعزه وشيمه
هم مزبن اللي ضايق وبلشاني
شعلان في وقت مضى والحاضر
فيهم سطر من فايت الجداني
لا جاهم اللي ينتخي وينادي
تلقى بهم من خيرة الفرساني
لاصارت الأخطار تقرب حوله
عندي على ميقافهم برهاني
ماهي غريبه واحد،ن من ربعي
يكبح جماح العايل القوماني
هذا وانا ماخصص ولا مانع
الجود له بصمة مع العرباني
كل القبايل ماتجيب القاصر
كلن مع ربوعه شدا بالحاني
لكنّ ربعي حقهم برقبتي
حتى يروح الدم من شرياني
والله يديم العز في دولتنا
والله يديم الأمن والإيماني
بقيادة آل سعود حنا نفخر
ونجدد البيعه على سلماني
