فريح مدشر : مرثيه بفقيد الجميع الصخيف بن بردان الفليتي أبوصالح الله يرحمه من الشاعر فهد بن رحيل ابن قرمه الرويلي.
يوم الخميس الصبح مع فجة النور
جانا الخبر يا ليتنا ما سمعناه
من النوم صحوني و فزيت مذعور
قالوا ابو صالح ربعنا اليوم تنعاه
ومن الفجيعه قمت اهذري بلا شعور
هو حلم والا علم يالربع وش جاه
و رضيت بالواقع وانا حيل مقهور
شيٍ من الله غصب عنا رضيناه
الموت حق و ياخذ الناس بالدور
من جاه يومه مستحيل يتعداه
والصبر زين وراعي الصبر ماجور
يارب تعفـو عنه و تغفر خطاياه
وانبِت على قبره بساتين و زهور
و يالله عسى الجنه مقرّه وملفاه
مرحوم ياللي دوم بالخير مذكور
كلٍ يقول ونعم يا حل طــرياه
كريم سبلا بعـزة النفس مخبــور
ذرب اليمين اللي جزالٍ عطاياه
هذي شهادة حق ما قلتها زور
روّح و خلّد بالزمن طيب ذكراه
