مساحة إعلانية

قصيدة ( قايد الاركان ) للشاعر غازي عريعر


قصيدة ( قايد الاركان ) للشاعر غازي عريعر



فريح مدشر : قصيدة من الشاعر غازي عريعر الرويلي 

إهداء إلى معالي الفريق أول الركن فياض بن حامد بن رقاد العليمي المرعضي الرويلي رئيس هيئة الأركان العامة للقوات المسلحة .

قايد الاركان … يالحر النداوي
يالزعيم الصيرمي .. صقر الصقوره
أنت شهمٍ لا سمع صوت النخاوي
موج عاتي يلطم … بهايج ابحوره
وأنت شيخٍ لا لبس بشتٍ حساوي
دون مطلوبه حشا تقصر اشبوره
وأنت ديمٍ لا انهمر .. وابله داوي
كل صحصاحٍ غشى .. تنْوِر ازهوره
وأنت عدٍ للملا عذبٍ رهاوي
وردك من أقصى الشمال اليا شروره
وأنت بلسم غاير الجرح ومداوي
للقلوب .. اللي على البلوى صبوره
وأنت عزوه للذي مثلك يخاوي
وأنت أخذت الطيب كلّه من جذوره
أنت فياض السعد ذرب الخطاوي
الفخر للشعر لا جيت ابسطوره
تزبن اللي ينتخي بك بالعزاوي
وتسعف المحتاج في وقت الضروره
تدحم بمتنٍ على الطولات قاوي
وتضرب بيمنى على الكايد جسوره
منصبك شامخ ولا جا بالمناوي
بأمر وال العرش … ثم اخوان نوره
الله يجيرك من صدوف البلاوي
ومن نوى لك شر شرّه وسط زوره
ما تخيِّب يابو دحام الهقاوي
ولابتك مبطي مواقفها … امخبوره
(اعْلمه)وقت الرخى طيب وقهاوي
ريف ضيف وعز جار وستر عوره
ويوم عجفٍ ذيبها بالليل عاوي
كلكم في وقتها .. أشبال ونموره
مجدكم بالفعل ما هو بالحكاوي
أشهد ان رويل بأفعالك فخوره
صيت للاجيال ما يحتاج راوي
حاضرٍ موروث من سالف اعصوره
نمدح اللي دايمٍ للطيب هاوي
ونترك اللي .. ما فتح بيبان سوره

 


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *