مساحة إعلانية

قصيدة ( يالله ولا غيره ) للشاعره زعيله الرويلي


قصيدة ( يالله ولا غيره ) للشاعره زعيله الرويلي



لجنة التحرير . فريح مدشر . راضي الغثيان.

قصيدة الشاعره زعيله مطر الرويلي لعتق رقبة ابنها امين مقيم الرويلي والمحكوم عليه قصاص .

‏بالله.. ولا..غيره .. عليه إتكالي
ارجيه..ربي … دايما والتجيله
ادعيه..مخلص يادعيت بسؤالي
يارب اجرني وقت جني الحصيله
ولله …دعوه قبل وقت الزوالي
يالله ..عن المهموم همه..تزيله
والخاطر اللي به.. تدور المحالي
له يمة ن.. فيها الأجر والنفيله
بعد الولي منصاه روس الرجالي
اللي لهم ..جاه..اوجاه..ودليله
انخى الشيوخ اهل الفعل والمعالي
وانخى القروم اللي تروم الطويله
لأم ن ..خلوج ن لايجه بالحوالي
مكلومة ن زاد المرض في عويله
على ولدها ..ما لغيره … توالي
وحيدها .. والعمر مقبل رحيله
لا عايل ن عقبه ..ترجى العيالي
ولاهي عزاز … وحالها ينرثيله
دارت عليه .. اقدار سمر الليالي
وباتت تقلب فوق جمر ومليله
تنخى لجاهه قبل قطع الوصالي
ترجى عسى المولى يحنن عميله
تكفون .. فزعه دام فيها مجالي
لاتذخرون..من الوسايل وسيله
فيكم ..ومعكم تستخيل الخيالي
غيثو.. لكبد ام ن .. أملها تخيله


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *