مساحة إعلانية

قصيدة《سلام يادار الوفاء》للشاعر سلمان الوهيف الرويلي


قصيدة《سلام يادار الوفاء》للشاعر سلمان الوهيف الرويلي



فريح مدشر : قصيدة للشاعر الاستثنائي سلمان الوهيف بالجوف واهلها . الف شكر سلمان على هذه الرائعه .

سلام يادار الوفا ديرة الجوف

سلام يادار الكرم والموده

أشوفها جتني وقومو لها وقوف

قصيدتن جتني وأنا دون عده

قومو وصفو لجلها عشرة صفوف

هاجوسها جاني على غير عهده

ولاحل هاجوس الشعر جتني طيوف

والكل منها مسرعن فوق حده

طاروق يجبرني وطاروقن يروف

وأبيات شعري كلها مستعده

أكتب لها مره ومرات وألوووف

والشعر فيها لا أنكتب من يرده

سلام يادار الوفا ديرة الجوف

سلام يادار الكرم والموده

مني تحيه محمله بشوق ملهوف

قدرك بقلبي ديرتي من يعده

سكاكا ودومه واللقايط لها طيوف

حتى الرفيعه والنظايم أعده

زلوم ومعها صوير في داخلي تحوف

وهدبان هي وهديب قدر وموده

وقارا بقلبي ساكنه داخل كهوف

والكل منها داخلي مستبده

أعشق ترابك دون كذبٍ ولازيوف

أعشق سموم القيض وبشتاك برده

دار الرجال اللي بها العز موصوف

غصبن علينا لاقصدنا نعده

أهل الدلا ل اللي بها الهيل معروف

والعود الأزرق ريحته مستشده

طيب وكرامه مع شهامه لها نشوف

يشهد لها القاصي ولو طال بعده

حتى الصغير اللي بها يكرم ضيوف

رابي على فعلن لأهله وجده

الجوف مزبن من زمانه له يعوف

وملجأ لمن هو قبلها باح سده

جاهم ويشكي في حياته له ظروف

ويشكي الزمان اللي وقف دوم ضده

يلقى بهم طيبه وفزعه بلا حسوف

ويبشر بعزه فعلهم من يصده

عدّوه منهم وأقسمو بالله حلوف

الدار دارك وأسخرو له بمده

وأن طالت القالات يلقى بها سيوف

سيوف لوجيه الأعداء مستعده

أفخر بكم من دون شكٍ ولاكسوف

أفخر ومثلي يفتخر من يرده

الجوف داره والفخر جاه مردوف

فخر الديار وفخر ربعه وجده

ربعه رويل مروضة كل ملقوف

يشهد لها التاريخ بالحق عده

وختامها رددت والقلب ملهوف

لكم سلامٍ خالصن مع موده

 


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

*