الشبكة الاعلامية لقبيلة الروله والجلاس :فريح مدشر
إهداء للمقدم / نافع شايم الرويلي أبو نواف من الشاعر غازي عريعر الرويلي
لك نسوق التهنئه لـ أنّك كفو
يا ابن شايم .. يازبون الطايلات
الجماعه كلهم … فيك احتفو
بالتهاني … من قلوبن صافيات
تدري الشعّار . ياجوك اوقفو
الفعايل … حاضرات وسابقات
يعرفونك .. من على دارك لفو
سيرتك … ما تحتويها مجلدات
اثبتوا .. صدق النوايا واحلفو
بالذي يحيي .. العظام الباليات
إنك من اللي … إذا قالوا وفو
معدنك طيب ومحمود الصفات
وإنك من أهل التسامح والعفو
لين صرت أهل الوفاء والمكرمات
جرّبوا .. بالفعل طيبك واعرفو
فزعتك …. لا جا نهار المعضلات
اكّدوا … حلو النبأ يوم اصدفو
كـف جـود(ن) تشبه لنهر الفرات
صغت مكنون الصدر لـ أنّك كفو
يااااالمقـدّم …. منـزلك بالنايفات
؛