مرحوم يا شيخ المعزّه والاحسان
ياللي قضى الحياة باذل معاريف

شيخ الشيوخ اللي تواضع ولا هان
النوري بِن شعلان وفعله تشاريف

كفل يتامى وآكرم ضيوف وجيران
وآعتق رقاب بجاهته مع مظاريف

مرحوم يا ذيب الوغى طير حوران
مرحوم والرحمات تنزل مواريف

كل القبيله أبناء زايد لها احزان
وعيونها على المفارق مذاريف

له بصمة ٍ تُروى على مر الآزمان
سيرة بطل و لا غشتها التخاريف

مهما نعزّى فالعزا عدّى الاوطان
والحزن عم قلوبنا وزاد تجريف

لكن رضينا بحكمة الله بالآكوان
والخلق كله فاني بْدون تطريف

والأمر لله ماهو للعبد يا آخوان
هو رينا ويصرّف الكون تصريف

عساه في جنة عدن عالي الشآن
في قمة الفردوس عال المشاريف

الشاعر/ جوهر الراوي