فريح مدشر : مازال الشعراء يعبرون عن مصابنا بقصائدهم ويرثون فقيدنا الشيخ النوري بن فواز الشعلان رحمه الله وادخله فسيح جناته وهذه قصيدة للشاعر شلاش باتل الرويلي في رثاء الفقيد .
ياهاجسي إكتب،،من الشعر،،مافاد
وسخر (بيوتك)،،بالمعاني البهيه
حزين،،ومتضايق،،وضٓيقاتي جداد
وإنته على الضيقات،،سلاح لِيٓه
البارحه مالي مع الناس مقعاد
الليل طال،،وطول الهم بِيٓه
جتني همومن،،مالها حساب وأعداد
وزادت على قلبي،،نارٍ لظيه
سمعت علمٍ،،جٓرح قلوب وأكباد
وهزهز كيان،،العزوه الوايليه
النوري الشعلان دحام الأضداد
منا،،خذاه اليوم،،سيف المنيه
الطيب اللي كان،،للطيب ميراد
سيله طغى كل الديار الخليه
له هيبتن،تطغى حكومات وأفراد
وله كلمتن،عند العرب والسميه
يعطي ولاينشد عن المال والزاد
وعلى المصاعب،مايتتقى بخويه
يواجه الصعبات،،ويحل الأنكاد
ويشيل حمل رويل،،بنفسٍ رضيه
النوري (نارٍ) عايشه بين الأجواد
النوري (نجمٍ) بالسما،زاد ضيٓه
والله لو إنه ساكنٍ وسط الألحاد
تبقى فعوله بإسم الأمجاد حيه
عليه دمع العين،،أبداد أبداد
صارت عيوني،،بعد موته شقيه
لكن عوضنا خير،،والخير يزداد
(نواف) أخوه،،في المهمات،،زيه
شيخٍ نماري به على روس الأشهاد
يفدى بروحه،،لانخيته بقضيه
و(نايف) هويا (سعود)،،شيوخٍ أجواد
اللي بهم،،كل المدايح،،زهيه
كل واحدن فيهم،،على الجود معتاد
متشاركين المرجله،،والحميه
نعمن بهم،،من صلب (فواز) الأمجاد
ياحي،،إبن شعلان،،ياحي حيه
وختامها صلوا عدد برق ورعاد
على رسولٍ،،جابه الله ،،هديه
