فريح مدشر : الشاعر شلاش باتل الرويلي يستنجد بقبيلة (الروله) وقبيلة (عنزه) كافه وأهل القلوب الرحيمه لعتق رقبة طارق خلف الرويلي المطلوب بديهقدرها (٣٥ مليون) ريال سعودي
تجامعوا (عناز) ،، ياأهل الشهامات
يا قروم (وايل) ،، يافخرها وسندها
تجامعوا يارويل ،، ياأهل البطولات
ياللي بفعل الطيب ،، كلن حمدها
تجامعوا بالصف في كل الأوقات
لو كانت (الديه) ،، كثيرن عددها
تجامعوا بالروح ،، قبل الريالات
خلوا الطناخه ،، تنومس اللي قصدها
فيكم طناخه ،، لابتي والقرابات
ترفع بيوت الشعر ،، وترفع عمدها
وفيكم أمجادن ،، مالها وصف بأبيات
أمجاد ماضيتن ،، كلن شهدها
إنتم تعليتوا ،، نجوم المجرات
أفعالكم بالطيب ،، مبطي عهدها
لكم على فعول المراجل ،، سجلات
تجلون ،، بالنفس الحزينه ،، نكدها
(بيوتكم) تشهد لكم بالشهامات
كل من. لفاها ،، بالقصايد حمدها
و(عقولكم) تشهد بحل الصعيبات
اللي أتعبت من هو يحلل عقدها
(أسمائكم) مكتوبتن في الروايات
على ،، فعول الطيب ،، محدن جحدها
تشهد لكم ،، ماضي السنين القديمات
(الطيِبه) إنتوا ،، ملكتوا بلدها
(رجالكم) تفعل فعولن كبيرات
على الفزع ،، يعجب عيوني ،،(هددها)
عاداتكم نطح الأمور العسيرات
مع (طنختن) ،، تجلب لنفسي سعدها
نخيتكم يالابتي الحين فزعات
يا قروم (وايل) للرجوله عمدها
(طارق خلف) بالسجن ،، يجر ونات
روحه طواها الهم ،، طوين لهدها
دموع عينه من قهرهن غزيرات
مسجون حزن وعيشته قد زهدها
حاله تعرض بالصحف والمجلات
يرجي الفزع ،، والعين طول سهدها
مريض هم ،، وعايش بهم وإسكات
زهقان من ،، نار الهموم ووقدها
تكفون ثوروا له بحمله وحملات
ثم أفرحوا (أمٍ) ،، تبكي ولدها
ماهو خساره ،، فعلكم للجمالات
ياما فعلتوا أمور ،، ماأحصي عددها
وصلاة ربي عد نجم السماوات
على (رسولٍ) ل الشريعه مهدها
