مساحة إعلانية

قصيدة للشاعر مشهور بشير الرويلي


قصيدة للشاعر مشهور بشير الرويلي



فريح مدشر : قصيدة الشاعر مشهور بشير الرويلي في حفل معايدة الروله والجلاس السادس بصوير .

يابنت غني للرويلي زغاريت

وتفاخري بجلاس في كل الازمان

 

ربعي هل الطوله لهم ذايع الصيت

ماخاب ظنه من تعزواى بويلان

 

انشهد اني صايدن يوم هديت

صيدن سمين ويشبع الانس والجان

 

لي عزوتن كرما يماني عصاميت

ستر العذارى دونها درع وحصان

 

في حزتن يكثح ثراها سفاريت

عدونا ندواه بخزام وعنان

 

وياضيفنا تبشرلك الطيب ياجيت

فطح الصياني من جزيلات وسمان

 

المرجع رويلي وفيهم تعزويت

جمعة فهود اليا كسى الجو دخان

 

روامت العليا تسعام الشماميت

صيارمن حزات روغات الاذهان

 

لطامة العدوان رمح العفاريت

لا احتك عود بعود حفوك شجعان

 

مرقا الحرار بعاليات المناحيت

وخصن اليا منه تعزاوى بعليان

 

عدونا راحت عفوشه مزاتيت

وفريسنا وقت اللقا فعلهم بان

 

نرمي لحم ولا نروم الفتافيت

ونرقى سنود ولا ندنق على الدان

 

في ظل شيخن جامع الطيب والصيت

نواف ابن فواز من روس شعلان

 

كم راس دابن دوننا قد توطيت

وحلفت انا منساك لو انت تنسان

 

ياميرنا حييت حييت حييت

شوفك تمنيته مثل ماتمنان

 

وعن الفهد وابن الفهد راعي البيت

فهد ابن نواف بالطيب غطان

 

أمير طيب ومكرمه كل ماجيت

وانشهد انه بالكرامات حيان

 

يمنى صخى ماهوب بحكي المناشيت

دايم يروس الروس في كل ميدان

 

وياميرنا فواز بالخير مسيت

ياللي على كسب النواميس وافان

 

يارايم العليا بشوفك تنشويت

وانزاح همي يابيض الوجه ماجان

 

حنا لبن شعلان لا رحت وان جيت

ونعم الشيوخ اللي لها الطيب نيشان

 

هم مسندي هم هقوتي لا تهقويت

كرما يمانيها لها الطيب عنوان

 

والعذر منكم كان بالقاف زليت

ياهل الكرم ياهل السموحه والاحسان

 

ابن البشير هذها وركب البيت

باللابه اللي طيبها يعلن اعلان

 

وصلاة ربي عِد من جحو البيت

على نبين من صفو نسل عدنان

 


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *